Kimlər

Bir gün oturub xəyalə daldım öz-özümdə,

Durdu ölümüm sonrası səhnələr gözümdə.

        *    *    *    *    *    *   

Çox düşündüm amma gələ bilmədim qərarə,

"Kimlər?" sualı etdi məni xeyli əvarə.

        *    *    *    *    *    *   

Gəldikdə əcəl, o dünyayə hicrət edəndə.

Ruhum bu zəif cismimi tərk edib gedəndə.

        *    *    *    *    *    *   

Kaş olaydı dost-tanışlarım yanımda barı.

Tənha gedəndə ən sonuncu mənzilə sarı,

        *    *    *    *    *    *   

Tənhalığa, yalnızlığa yox zərrəcə tabım,

Amma ki, nə fayda bağlanır ömrü-kitabım.

        *    *    *    *    *    *   

Kimlər yuyacaqdır, hərəkətsiz bu bədənimi?!

Kimlər geyindirəcəkdir görəsən kəfənimi?!

        *    *    *    *    *    *   

Halsız uzanan cismimə kimlər baxacaqdır?!

Göz yaşı  yanaqdan süzülüb hey axacaqdır...

        *    *    *    *    *    *   

Baxdıqca ətrafımda duranlar mənə xəlvət,

Xatırlıyar hərkəs sonunu, ölümünü əlbət.

        *    *    *    *    *    *   

Toplanıb kim cənazə namazımı  qılacaqdır?!

Tənbəllik edib kim aradan sıyrılacaqdır?!

        *    *    *    *    *    *   

Zülmət dolu qəbr evində nurlanmağım üçün.

Kimlər edəcək dua bağışlanmağım üçün?!

        *    *    *    *    *    *   

Tabutumu öz çiyninə kimlər alacaqdır?!

Sakitcə durub kənarda kimlər qalacaqdır?!

        *    *    *    *    *    *   

Kimlər gələcəkdir qəbiristanlığa sarı?!

Kimlər mənim üçün qazacaq dərin məzarı?!

        *    *    *    *    *    *   

Lap gəlsə də mal, ailə həm əməl mənimlə,

Tək əməl girər qəbrə bu cansız bədənimlə.

        *    *    *    *    *    *   

Bir zaman gəzərkən üstündə qarə torpağın,

Indi girirəm altına biçarə torpağın.

        *    *    *    *    *    *   

Kimlər üç ovuc torpaq atar qəbrimin üstə?!

Ya Rəbb mənə ver səbri qalan səbrimin üstə.

 

        *    *    *    *    *    *   

Çünki elə dəhşətdi bu anlar yaşanırkən,

Bir gün dar olan məzarə məcbur daşınırkən,

        *    *    *    *    *    *   

Çox çətindir hətta xəyal eyləmək bir anlıq,

Zülmət bürüyür hər tərəfi, çökür qaranlıq.

        *    *    *    *    *    *   

Üç gün sonra kim yad eliyər ismimi ya da?!

Kimlər unudar ismimi edilən duada?!

        *    *    *    *    *    *   

Kaş bir daha bir gün sonra dünyayə gələydim,

''Kimlər'' sualın cavabını, baxıb biləydim.

        *    *    *    *    *    *  

Əslindəsə ən doğru cavab məncə bucürdü,

Hər kim duyacaqdırsa cənazə var, hüzürdü.

        *    *    *    *    *    *   

Hərkəs gələr və şad olaram qəbirdə ruhən,

Vacibdi müsəlmanlara bəsliyək hüsnüzənn,

        *    *    *    *    *    *   

Çünki bu hədisdir ki, müsəlman üzərində,

Var müsəlmanın altı haqqı, yerli-yerində.

        *    *    *    *    *    *   

Bir haqqı da iştirak eyləməkdi dəfində,

Bu haqqı verib, biz duraq haqqın tərəfində.

        *    *    *    *    *    *   

Hər dərdə dəva vardır, hədisdir əbədiyyən,

Yox tək ölümün çarəsi dünyadə qətiyyən.

        *    *    *    *    *    *   

Hər bir kəs üçün vardır ölüm, nəticə birdi,

Dünya evinin sonuncu mənzili qəbirdi.

        *    *    *    *    *    *   

Bir nəsihətlə gəlib çıxdı qəsidəm sona,

Etmişdi bunu Həzrəti Loğman öz oğluna.

        *    *    *    *    *    *    

Hərgahi şübhə edirsənsə ölümnən, ey qul.

Yatma gecələr, qal yuxusuz zülümnən ey qul.

 

Abdullah b. Rəvaha

Qeyd: Saytdakı paylaşımlardan istifadə edərkən mənbə olaraq Suffa.net göstərməyi unutmayın.

 

Bu mövzuda fikirlərinizi bizimlə bölüşün




Sosial Şəbəkə Səhifələrimiz


Hər gün bir yeni video paylaşdığımız Youtube kanalımıza abunə olmağı unutmayın..

Bundan əlavə bizi İnstagram, Facebook, Whatsapp və digər şəbəkələrdən də izləyə bilərsiz.