Baxmadın Haqqa

Ziyanlar törədib ziyankar oldun,
Haqqa lal, haqqa kor, haqqa kar oldun,
Sən öz inkarınla inadkar oldun,
Bir dəfə qəlbini açmadın haqqa,
Bir an nur gözüyle baxmadın haqqa.
 
Dəlilsiz sübutsuz inkar eylədin,
Onsuz da yox idi dəlil, deyərdin.
Lağ edib gülərdin çox əylənərdin,
Azanlar oxundu, qaçmadın haqqa,
Bir an nur gözüylə baxmadın haqqa.
 
Yaşadın haramla zaman ötürdün,
İlləri gözündə duman ötürdün..
Necə bu illəri asan ötürdün?
İnkara oturdun, qalxmadin haqqa,
Bir an nur gözüylə baxmadın haqqa.
 
Bir insan rəsmini sən ələ sandın
Allah yaratmamış, belə də qandın,
Bir söylə, sən özün necə yarandın?
Bu qədər çatmadı yaddaşın haqqa?
Bir an nur gözüylə baxmadın haqqa.
 
Bir də nur gözünü son dəfə işlət,
Bilirsən, verilib hamıya möhlət,
Gəlməmiş bizlərə hələ qiyamət,
Çagırır bu Kamran sirdaşın haqqa,
Ölüm yetişməmiş son qoy nahaqqa..
 
Kamran Karani

Qeyd: Saytdakı paylaşımlardan istifadə edərkən mənbə olaraq Suffa.net göstərməyi unutmayın.

 

Bu mövzuda fikirlərinizi bizimlə bölüşün




Sosial Şəbəkə Səhifələrimiz


Hər gün bir yeni video paylaşdığımız Youtube kanalımıza abunə olmağı unutmayın..

Bundan əlavə bizi İnstagram, Facebook, Whatsapp və digər şəbəkələrdən də izləyə bilərsiz.